"Muzeydə kino” layihəsində budəfəki film nümayişi Beynəlxalq Muzeylər Gününə həsr olundu. Görkəmli şairə Xurşidbanu Natəvanın Ağdamda və Şuşadakı heykəllərinin tarixçəsindən bəhs edən film 2022-ci ildə Azərbaycan Respublikası Mədəniyyət Nazirliyi, Azərbaycan Diasporuna Dəstək Fondu və “Havissos” şirkətinin dəstəyi ilə “EL-TV” televiziya şirkətində lentə alınıb. Ekran işinin ideya müəllifi və rejissoru heykəltəraş Namiq Hüseynovdur. Film Azərbaycan və ingilis dillərində nümayiş edilib.