Sentyabrın 28-də muzeyimiz  Heydər Əliyev Fondunun dəvəti ilə ölkəmizə səfər edən Rusiya Federasiyasının Prezidenti yanında Dövlət İdarəçilik Akademiyası və Rusiya Xalq Təsərrüfatı Akademiyası üzvlərini qəbul etdi.

Muzeyimizin direktoru,  professor Çingiz Fərzəliyev qonaqlar ilə görüş keçirib. Görüş çərçivəsində Azərbaycan Milli İncəsənət Muzeyinin milli və dünya xalqlarının maddi-mənəvi mədəni irsini özündə ehtiva edən daimi ekspozisiyası qonaqlarda yüksək və unudulmaz təəssüratlar yaradıb.

Sonda akademiya nümayəndələri muzey rəhbərliyinin və kollektivinin göstərdiyi qonaqpərvərlikdən məmnunluğunu bildirib.