“Muzeydə mühazirə" layihəsi çərçivəsində növbəti mövzu qədim xalq bayramımız Novruza həsr olunub. "Təsviri sənətdə Novruz mövzusu" adlı mühazirə AMİM-nin Sərgi və tərtibat şöbəsinin müdiri, sənətşünas Əsəd Quliyev tərəfindən təqdim edilib. Məruzəçi milli-mədəni irsimizin, etnoqrafiyamızın vacib hissəsini təşkil edən bu sevimli yaz bayramının, onun adət-ənənələri və simvollarının rəngkarlıq, qrafika, heykəltəraşlıq, eləcə də xalq sənətkarlığı nümunələrində əksindən bəhs edib. AMİM- nin kolleksiyasında yer alan Ə.Əzimzadə, Ə.Rzaquliyev, S.Bəhlulzadə, H.Haqverdiyev, E.Şahtaxtinskaya, A.Hacıyev, X.Səfərova və digər çoxsaylı tanınmış Azərbaycan rəssamlarının əsərlərindən ibarət təqdimatın nümayiş olunduğu mühazirə dinləyicilər tərəfindən maraqla qarşılanıb.