Beynəlxalq Muzeylər Günü ilə əlaqədar muzeyimizdə maraqlı mühazirələr təşkil olundu. İlk mühazirəmiz muzeyin yeni açılmış 1920-1980-ci illər Azərbaycan rəngkarlığı ekspozisiyası haqqında oldu. Mühazirədə qeyd edilən tarixi dönəmdə Azərbaycan rəngkarlığının keçdiyi inkişaf yolu, burada nümayiş etdirilən əsərlər və onların müəllifləri olan görkəmli Azərbaycan rəssamlarının yaradıcılığından danışıldı. Daha sonra ziyarətçilərə həmin dönəmdə təsviri sənətin qrafika sahəsinin inkişafı əsərləri ekspozisiyada nümayiş olunan, milli qrafika sənətinin formalaşmasında böyük rol oynamış görkəmli rəssamların yaradıcılığına istinadən bəhs edildi.