Oktyabrın 31-də Azərbaycan Respublikası Ekologiya və Təbii Sərvətlər Nazirliyi və Azərbaycan Milli İncəsənət Muzeyinin birgə təşkilatçılığı ilə Bakının Müşfiqabad qəsəbəsində ağacəkmə aksiyası keçirilib.

2024-cü ilin “Yaşıl dünya naminə həmrəylik ili” elan edilməsi və ölkəmizin ev sahibliyi edəcəyi BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində baş tutan aksiyada muzeyin əməkdaşları iştirak ediblər.

Aksiya zamanı torpaq-iqlim şəraitinə uyğun ümumilikdə 100 ədəd şam və zeytun ağacları əkilib.

Aksiyanın keçirilməsində məqsəd ağac əkməklə ekoloji tarazlığın bərpasına, ətraf mühitin mühafizəsinə dəstək olmaq və ictimaiyyətin diqqətini yaşıllıqların qorunmasına yönəltməkdir.