Oktyabrın 3-də “Muzeydə mühazirə” layihəsi çərçivəsində “Azərbaycan muzeyləri” adlı növbəti mühazirə keçirilib. Azərbaycan Milli İncəsənət Muzeyinin Fond şöbəsinin elmi işçisi Kəmalə Abbasova tərəfindən təqdim olunmuş mühazirədə milli və dünya incəsənəti nümunələrinin qorunub saxlanıldığı paytaxt muzeyləri, ayrı-ayrı tarixi və ədəbi şəxsiyyətlərin ev muzeyləri, həmçinin Qarabağda vandalizmə uğrayaraq hazırda bərpadan sonra ikinci həyatını yaşayan muzeylər haqqında dinləyicilərə ətraflı məlumat verilib.