Oktyabrın 16-da Azərbaycan Milli İncəsənət Muzeyinin Fond şöbəsinin Tikmə bölməsinin müdiri Könül Zeynalova Azərbaycan Milli Xalça Muzeyində keçirilən “Tikmə sənəti” adlı beynəlxalq elmi konfransda məruzə ilə çıxış edib. “Azərbaycan Milli İncəsənət Muzeyinin tikmə kolleksiyası” adlı məruzədə müxtəlif ənənəvi texnikalarda işlənmiş milli tikmə nümunələri, eləcə də kolleksiyaya daxil olan bir sıra ölkələrə məxsus tikmələrdən bəhs edilib.