27 noyabr 2024-cü il saat 19:00-da Azərbaycan Milli İncəsənət Muzeyində “Səttar Bəhlulzadə - təbiətin ecazkar nağılı” sərgisi çərçivəsində “İncəsənətdə “müasirlik” problemi” adlı müzakirə keçiriləcək. Sərginin kuratoru Azərbaycan Milli İncəsənət Muzeyinin direktoru, sənətşünaslıq üzrə fəlsəfə doktoru Şirin Məlikova, müzakirənin moderatoru isə Elçin Şamillidir.
Səttar Bəhlulzadənin əsərlərini müasir incəsənətə aid etmək mümkündürmü, yoxsa onlar XX əsr Azərbaycan incəsənəti tarixinin bir hissəsidir?
İncəsənətdə “müasirliy”i necə müəyyənləşdirmək olar?
Qərb mədəniyyətinə aid olan “modern art” və “contemporary art” kimi terminləri sənət baxımından necə tərcümə edilir?
Bu və digər maraqlı suallar müzakirənin əsas mövzusu olacaq.