Oktyabrın 2-də Azərbaycan Milli İncəsənət Muzeyində “Muzeydə mühazirə” layihəsi çərçivəsində “Özün kimi görünmək sənəti: dəbli seçimlərin psixologiyası” adlı mühazirə dinləyicilərə təqdim olunub.

Sənətşünaslıq üzrə fəlsəfə doktoru və modelyer-dizayner Sevil Əliyeva tərəfindən keçirilən mühazirədə AMİM-nin kolleksiyası əsasında dəbli seçimlərin psixologiyası, geyim vasitəsilə özünü ifadəetmə üsulları və moda ilə insan psixikasının əlaqəsi barədə geniş məlumat verilib.

Tədbirdə iştirakçılar həm nəzəri biliklər, həm də gündəlik seçimlərində tətbiq edə biləcəkləri praktiki məsləhətlər alıblar. Mühazirə ziyarətçilər tərəfindən böyük maraqla qarşılanaraq müzakirələrlə başa çatıb.