Mayın 7-də "Muzeydə musiqi” layihəsi çərçivəsində növbəti konsert proqramı baş tutub. Ümummilli Lider Heydər Əliyevin anadan olmasının 102-ci ildönümünə həsr olunmuş konsertdə ADA Universitetinin “Musiqi klubu” tərəfindən “Mədəniyyət. Bəşəriyyətin universal dili” adlı rəngarəng musiqi proqramı təqdim edilib. Gənc və istedadlı ifaçılar tərəfindən görkəmli Azərbaycan və dünya bəstəkarlarının unudulmaz əsərlərinin səsləndiyi konsert dinləyicilər tərəfindən davamlı alqışlarla qarşılanıb.