16 yanvar 2025- ci il tarixində Azərbaycan Milli İncəsənət Muzeyində "Muzeydə mühazirə" layihəsi çərçivəsində keçirilən növbəti mövzu muzeyin İtaliya kolleksiyasına həsr olunmuşdur. Azərbaycan Milli İncəsənət Muzeyinin İnnovasiya şöbəsinin müdiri, sənətşünas Məhbarə Abbasova tərəfindən təqdim olunan mühazirədə AMİM-in kolleksiyaslnda yer alan İtaliya incəsənətinə aid əsərlərin tarixi və bədii dəyərlərindən söhbət açılmışdır. İntibah dövründən başlayaraq barokko, neoklassisizmə qədər uzanan sənət üslüblarının inkişafı və səciyyəvi xüsusiyyətləri haqqında bəhs edən məruzəçi, həmçinin muzeyin İtaliya kolleksiyasının eksponatlarından ibarət prezentasiyanı dinləyicilərə təqdim etdi.