Oktyabrın 18-də Azərbaycan Milli İncəsənət Muzeyində Müstəqilliyin Bərpası Gününə həsr olunmuş uşaq proqramı təqdim olunur.

Budəfəki maarifləndirici proqramda uşaqlar əvvəlcə Müstəqilliyin Bərpası Gününə həsr olunmuş təqdimatı dinlədilər, daha sonra isə ustad dərsinə qatılaraq dövlət rəmzlərini - Azərbaycan Respublikasının gerbi və üçrəngli bayrağını material üzərində quaş texnikasında boyadılar.

Proqram çərçivəsində balacalar həmçinin Azərbaycan Milli İncəsənət Muzeyinin hər iki tarixi binasını ziyarət edərək, milli və dünya incəsənətinin inciləri ilə tanış oldular.