COP29 çərçivəsində ölkəmizdə səfərdə olan qonaqlar Azərbaycan Milli İncəsənət Muzeyini ziyarət etməkdə davam edirlər. Birləşmiş Ərəb Əmirliklərinin İncəsənət və İrs alt sektorunun köməkçi müşaviri vəzifəsini icra edən Zati-aliləri xanım Şətha Əl Mulla və BƏƏ Mədəniyyət Nazirliyinin nümayəndəsi Məhnaz Fənsi növbəti qonaqlar olublar. Onlar muzeyin 1920-1980-ci illərin görkəmli rəssamlarının əsərlərindən ibarət daimi ekspozisiyası, COP29 çərçivəsində açılmış "Səttar Bəhlulzadə -təbiətin ecazkar nağılı", eləcə də hazırda davam edən "Vəcihə Səmədova 100: sənətkar ömrünün səhifələri", Əməkdar rəssam Məmməd Mustafayevin "Gizli və aşkar" sərgiləri ilə yaxından tanış olaraq, xoş təəssüratlarını xatirə kitabına yazıblar.