COP29 çərçivəsində Azərbaycanda səfərdə olan Keniya Respublikasının Ekologiya və Ətraf Mühit Nazirliyinin nümayəndələri Azərbaycan Milli İncəsənət Muzeyini ziyarət ediblər. Onlar "1920-1980-ci illər Azərbaycan rəngkarlığı və qrafikası" adlı daimi ekspozisiya, "Səttar Bəhlulzadə - təbiətin ecazkar nağılı", "Vəcihə Səmədova 100: sənətkar ömrünün səhifələri", Əməkdar rəssam Məmməd Mustafayevin "Gizli və aşkar" sərgiləri ilə yaxından tanış olublar. Azərbaycan incəsənətindən xoş təəssüratlar alan qonaqlar sonda muzeyin xatirə kitabına ürək sözlərini yazıblar.