ASAN Könüllüləri Gənclər Təşkilatı İctimai Birliyinin “Çevik Gənclik Ayı” layihəsi çərçivəsində gənclər Azərbaycan Milli İncəsənət Muzeyini ziyarət ediblər.

Ekskursiya çərçivəsində onlara muzeyin tarixi, yerləşdiyi XIX əsrə aid tarixi binalar haqqında ətraflı məlumat verilib. Azərbaycan və dünya incəsənətinə aid unikal əsərlərin nümayiş olunduğu daimi ekspozisiyalar, həmçinin muzeydə davam edən sərgilərlə tanışlıq gənclərdə böyük maraq və xoş təəssürat oyadıb.