8–11 oktyabr 2025-ci il tarixlərində Qırğızıstan Respublikasının Bişkek şəhərində Qırğızıstan Milli Tarix Muzeyinin 100 illiyinə həsr olunmuş“Yaddaş institutları, kitab və mütaliə informasiya cəmiyyətində” adlı IV Beynəlxalq Konfrans keçirilib.

Azərbaycan Milli İncəsənət Muzeyinin kütləvi işlər üzrə direktor müavini Nəzirin Şirinova konfransda iştirak edərək “Muzey auditoriyasının formalaşdırılması və şaxələndirilməsinə dair aktual yanaşmalar. Muzeyə ziyarətçiləri cəlb etməyin yolu kimi sosial və təhsil innovasiyaları” mövzusunda məruzə ilə çıxış edib. Onun çıxışı iştirakçılar tərəfindən böyük maraqla qarşılanıb və sonda məruzə ətrafında fikir mübadiləsi aparılıb.