Azərbaycan Respublikası Mədəniyyət Nazirliyi və Azərbaycan Milli İncəsənət Muzeyinin birgə təşkilatçılığı ilə keçirilən "Muzeydə musiqi" layihəsinin növbəti proqramı Ümummilli Lider Heydər Əliyevin anım gününə həsr olunub. Təqdim olunan konsert proqramında Azərbaycan Dövlət

Akademik Opera və Balet Teatrının solistləri, Bakı Musiqi Akademiyası və Azərbaycan Milli Konservatoriyasının tələbələrinin ifasında klassik və xalq mahnılarımızdan seçilmiş Ulu Öndərin sevimli musiqi əsərləri səsləndi. Ümummilli Liderin əziz xatirəsinə həsr olunmuş konsert tamaşaçılar tərəfindən böyük rəğbətlə qarşılandı.