Dekabrın 4-də Azərbaycan Milli İncəsənət Muzeyində "Muzeydə musiqi" layihəsi çərçivəsində "Mənim Azərbaycanım" adlı muğam gecəsi keçirilib. Azərbaycanın zəngin musiqi irsi olan muğam sevənləri bir araya toplayan konsertdə Beynəlxalq Muğam Mərkəzinin solistlərinin ifasında milli musiqi xəzinəsindən gözəl nümunələr səsləndirilib. İfaçıları tarda, udda, qanunda və digər musiqi alətlərində müşaiyət edən musiqiçilər də gecəyə xüsusi rəng qatıblar. Tamaşaçı alqışları ilə müşaiyət olunan gecədə qeyd olunub ki, muzeydə mütəmadi olaraq təşkil olunan belə tədbirlər mədəni irsimizi yaşatmaq və gələcək nəsillərə çatdırmaq baxımından mühüm rol oynayır.