Azərbaycan Milli İncəsənət Muzeyində “Muzeydə musiqi” layihəsi çərçivəsində keçirilən növbəti konsert dinləyicilərin böyük marağına səbəb oldu. Azərbaycan Respublikasının Əməkdar artisti, Akademik Opera və Balet Teatrının solisti İnara Babayevanın aparıcılığı ilə təqdim olunan "Motsartın sehrli dünyası" adlı konsert proqramında teatrın solistləri Günel Hacıyeva, Nina Makarova, Atəş Qarayev, Səma Həmzəyeva, Mahir Tağızadə, Zümrüd Davudova, Aydan Quliyeva, İqor Yadrov, Fəhmin Əhmədli və simfonik orkestrinin kiçik heyəti - Renata Abubəkirova, Nicat Feyziyev, Rəna Rəhimova, Georgi İmanovun ifasında dünya şöhrətli bəstəkarın yaratdığı ölməz musiqi əsərləri səsləndirildi. Proqram İlahə Sadıxzadə, Ülviyyə Əliyeva və Daniil Kirillovun konsertmeysterliyi ilə keçirildi.