Aprelin 9-da hər həftənin çərşənbə günü dinləyicilərin görüşünə gələn “Muzeydə musiqi” layihəsi çərçivəsində növbəti maraqlı konsert proqramı keçirilib. Beynəlxalq Muğam Mərkəzi tərəfindən təqdim olunmuş “Bəstəkar mahnıları” adlı konsertdə Azərbaycanın görkəmli bəstəkarlarının sevilən əsərləri səsləndirilib. Beynəlxalq Muğam Mərkəzinin instrumental ansamblı və tanınmış solistləri tərəfindən ifa edilmiş unudulmaz, dillər əzbəri olan bəstələr tamaşaçıların davamlı alqışları ilə müşayiət olunub.