Azərbaycan Respublikasının Mədəniyyət Nazirliyi və Azərbaycan Milli İncəsənət Muzeyinin birgə təşkilatçılığı ilə “Muzeydə musiqi” layihəsi çərçivəsində muzeyimizdə Ulu Öndər Heydər Əliyevin 101-ci ildönümünə həsr edilmiş “İlham Nəzərovun tələbə və məzunları” adlı konsert keçirilib.Böyük maraqla izlənilən və alqışlarla qarşılanan konsert proqramında musiqiçilər tərəfindən Ü.Hacıbəyli, M.Maqomayev, C.Cahangirov, Q.F.Hendel, Q.Donisetti, C.Rossini və digər görkəmli Azərbaycan və dünya bəstəkarlarının əsərləri ifa olunub.