Hörmətli valideynlər və balaca dostlarımız,

aprel ayı ərzində Azərbaycan Milli İncəsənət Muzeyi uşaqlar üçün xüsusi hazırlanmış maraqlı və maarifləndirici proqramlarla sizi gözləyir.

15 aprel – Beynəlxalq Mədəniyyət Günü

“Süzəninin yaranışı: bir tikmə ustasının hekayəsi” proqramında uşaqlar rəngarəng ornamentlərin sirrini öyrənəcək, tematik ekskursiya və ustad dərsində öz bacarıqlarını sınayacaqlar.

15 aprel – Dünya İncəsənət Günü

Bu proqram çərçivəsində uşaqlar mühazirə, kölgə tamaşası, tematik və interaktiv ekskursiya, eləcə də ustad dərsi vasitəsilə incəsənətin müxtəlif sahələri ilə yaxından tanış olacaqlar.

18 aprel – Beynəlxalq Abidələr və Tarixi Yerlər Günü

Bu proqram çərçivəsində balaca iştirakçılar tarixi abidələr haqqında maraqlı məlumatlar əldə edəcək, interaktiv ekskursiya və yaradıcı fəaliyyətlərdə iştirak edəcəklər.

23 aprel – Ümumdünya Kitab və Müəlliflik Hüququ Günü

Uşaqlar üçün hazırlanmış xüsusi proqramda mühazirə, kölgə tamaşası, interaktiv ekskursiya və ustad dərsləri vasitəsilə kitabların sehrli dünyasına səyahət ediləcək.

29 aprel – Beynəlxalq Rəqs Günü

Bu proqram çərçivəsində uşaqlar mühazirə, kölgə tamaşası, tematik və interaktiv ekskursiya, eləcə də ustad dərsi vasitəsilə rəqsin incəliklərini öyrənəcək və bu sənəti daha yaxından kəşf edəcəklər.