Azərbaycan Milli İncəsənət Muzeyi  iyun ayı boyunca “Bədii lövhələr” silsiləsindən  balaca ziyarətçiləri üçün yeni ustad dərsi proqramını təqdim edir. Proqramda kiçik rəssamlar  təsviri sənətin həm natürmort, həm də mənzərə janrı ilə tanış olmaq fürsəti qazanacaqlar.

Sehrli rənglər aləminə qərq olan balacalar korifey rəssamlarımızdan Tahir Salahovun  Abşeron mənzərəsi  fonunda yer alan natürmotunu və Tofiq Cavadovun bənzərsiz təbiət mənzərəsini  addım-addım imitasiya edəcəklər.

Bütün azyaşlı sənətsevərləri ustad dərsində iştirak etməyə səsləyirik.

Qeydiyyatdan keçmək mütləqdir.

Əlaqə telefonu: (+994 12) 492 07 07