İyunun 1-də Azərbaycan Milli İncəsənət Muzeyində Uşaqların Beynəlxalq Müdafiəsi Gününə həsr olunmuş KamART İncəsənət Qalereyasının “Qoy həmişə MƏN olum!” yubiley sərgisinin açılış mərasimi baş tutub. Sərgidə 6-18 yaş arası 50 gənc rəssamın natürmort, mənzərə, portret, marina, animalistika, məişət, tarixi, batal janrlarında və müxtəlif  məzmunlu 140 əsəri  təqdim olunur. Sərginin keçirilməsində məqsəd – ictimaiyyətin diqqətini uşaq və gənclərin təsviri sənətə olan marağının artırılmasına və inkişafına yönləndirilməsi, istedadlı gənc rəssamların üzə çıxarılması və onlara dəstək verilməsindən ibarətdir. İyunun 4-dək davam edəcək sərgiyə giriş sərbəstdir.