27 sentyabr Anım günü - Qürur və Zəfər tariximiz münasibəti ilə Azərbaycan Milli İncəsənət Muzeyində şəhid övladlarının iştirakı ilə ustad dərsləri baş tutdu. Uşaqlar muzeydə gil sənətinin sirləri ilə tanış olub, ekspozisiya boyunca interaktiv oyunlarda iştirak etdilər.

Qələbəni bizə bəxş edən qəhrəmanlarımızın övladlarını muzeyimizdə qarşılamaqdan qürur duyuruq. Onların borcu Vətəni qorumaq idi, bizim borcumuz isə onların adını yaşatmaq, bizə əmanət etdikləri övladlarına qayğı göstərməkdir.