17 yanvar tarixində Heydər Əliyev adına Azərbaycan Ali Hərbi Məktəbində Azərbaycan Milli İncəsənət Muzeyinin təşəbbüsü və təşkilatçılığı ilə 20 Yanvar faciəsinin 32-ci ildönümünə həsr olunmuş “Heç kim unudulmayıb, heç nə unudulmur” adlı tədbir həyata keçirilib. Tədbirin açılışında Vətənimizin azadlığı, suverinliyi və bütövlüyü uğrunda canlarını fəda edən Şəhidlərimizin xatirəsi bir dəqiqəlik sükutla yad olunub, daha sonra Azərbaycan Respublikasının Dövlət himni səsləndirilib.

Tədbirdə Azərbaycan Milli İncəsənət Muzeyinin kolleksiyasında qorunub saxlanılan xalqımıza qarşı törədilmiş faciələrə həsr olunmuş rəssamlarımızın  əsərlərindən və 20 yanvar gecəsinin dəhşətlərini əks etdirən fotoşəkillərdən ibarət səyyar sərgi təqdim olunub.