Azərbaycan Mədəniyyət və Turizm Nazirliyi, R. Mustafayev adına Azərbaycan Dövlət İncəsənət muzeyi və M. Rastropoviç adına 21 saylı musiqi məktəbinin birgə layihəsi əsasında Ümummilli lider H. Əliyevin 88-ci il dönümünə ithaf olunmuş konsert keçiriləcək.

Konsertdə M. Rastropoviç adına 21 saylı musiqi məktəbinin Prezident təqaüdçü şagirdləri -  II Respublika müsabiqəsinin, N. Əliverdibəyov adına V Bakı müsabiqəsinin, M. Rostropoviç adına I Bakı müsabiqəsinin laureatı,  IX sinif şagirdi Mayılov Kənan, I Respublika müsabiqəsinin, M. Rostropoviç adına I Bakı müsabiqəsinin laureatı, X sinif şagirdi Ağazadə Elgün, I və II Respublika müsabiqəsinin, M. Rostropoviç adına I Bakı müsabiqəsinin laureatı, N. Əliverdibəyov adına V Bakı müsabiqəsinin Gran-Pri mükafatçısı Kamran Ömərli çıxış edəcəklər. Onları sinif müəllimi İlhamə Ağayeva və konsertmeyster  Arzu Səfərova müşayiət edəcəklər. Gəcədə S. Raxmaninov , K. Sen-Sans, H. Venyavski və N. Milşteynin əsərləri ifa olunacaq.

Konsert 10 may 2011-ci il saat 17.00-da R. Mustafayev adına Azərbaycan Dövlət İncəsənət muzeyinin Niyazi küçəsi, 11 ünvanında yerləşən binasında keçiriləcəkdir.